n Samir Tighzert

Entretien avec l’auteur Samir Tighzert

 

Entretien réalisé par  Hafit Zaouche dans le journal la Cité, paru le 24/03/2018.

fichier pdf Entretien avec l’auteur Samir Tighzert – Journal la Cité

 

entretien1

Tisuqilin n Samir Tighzert i usider s talɣa PDF

Traductions en kabyle de Samir Tighzert à télécharger sous format PDF:

1) Anzaren – tullist ɣezzifen (adlis) sɣur Nikolaï Gogol

2) Taɣaṭ n mass Seguin – tullist sɣur Alphonse Daudet

3) Llebsa umeḥbus – tullist  sɣur Naǧib meḥfuḍ

4) Asekṛan sɣur – tullist  Guy de Maupassant

 

.

.

.

.

.

.

.



website counter


1 avril, 2018 à 14 h 07 min | Commentaires (0) | Permalien


Asekṛan – Tullist sɣur Guy de Maupassant

Ameskar : Guy de Maupassant 

Amsuɣel : Samir Tighzert

I

Aḍu yekkat-d d tiziwwin, la yezzuḥub deg igenni tagut-nni n tegrest akken tameqqrant, berriken, i d-iberrun ɣer lqaɛa i tezwawaṭ.

Ma d lebḥer ata tekker deg-s, izehher kan yessenguguy taftist iɣer i d-iḍeqqir kra n lemwaji annect-ilatent, ẓẓayit deg tikli, sludduyent, dɣa sgerbiɛent m’ara d-ɣlint ad s-tiniḍ d lujuh ibackaḍ i yeffɣen. Ttruḥunt-d s ttawil kan, ta deffir ta, ɛlayit am yidurar, akken la zerrɛent deg lehwa seddaw ilebluben, aṛebrub-nni amellal i d-ineṭṭgen seg iqerra-nsent amzun d tidi n kra n terbaɛt n yemẓiwen.6

Taɛeǧǧaǧt tettaɣ tasift n Yport ; atta la d-tettsuḍu kan, tettinẓi, tettekkes tiqermudin ɣef lesquf, tettruẓ tidarraqin, tɣeṭṭel ccminiyat s tqeffaɛin-is iǧehden armi ur yettaf yiwen amek ara yelḥu ma ur yeṭṭif deg lḥiḍ ; ma d igerdan tezmer ad ten-teddem am yiferrawen kan ara tawi sennig yexxamen alamma tserreḥ-asen deg yigran.

Tuɣ iseyyaḍen jebden-d tiflukin n ssyaḍa armi d akal, acku ugaden fell-asent deg yillel ara iḍummen akk taftist imi yella ɣef tawant. Dɣa gran-d din kra ixeddamen kan n lebḥer i yeffren deffir iɛebbaḍ imdewwren n lemrakeb yettwaqelben ɣef yidis, la ssikiden deg wurrif-a n yigenni d waman.

Syin uɣalen ṭṭixiren yiwen yiwen segmi d-yeɣli yiḍ ɣef tzawwa la yeddal s tillas-is agaraw yenhewwalen d ddḥis-nni merra ssekren iferdisen yessḍen.

Maca qqimen-d sin yergazen ur nḥerrek ara syin, widak gren kan ifassen-nsen deg leǧyub, ssɛewjen aɛrur-nsen seddaw uṣelfeɛ n waḍu, rnan ssudren-d icucay-nsen armi d allen. Wiyi d sin iḥewwaten inuṛmandiyen iwumi teččur tamart, aglim-nsen iban-d yerɣa s uṭerrec n waman imellḥen deg lewseɛ ugaraw, ma d allen-nsen zegzawen neqqḍent s uberkan di tlemmast, d allen yeqwan i tmuɣli, yettwalin am yimeddiwen alamma d ixf n yigli.

Yenṭeq dɣa yiwen seg-sen, yenna :

— Yya-d a Jérémie ad nesɛeddi lweqt s ddiminu… d nekk ara ixellṣen.

Maca win nniḍen yeεdez acemma… (yettkemmil).

 

Sader tullist deg ufaylu PDF, da.

Timuɣliwin di Facebook

 

 

..


free hits

<> </>

5 janvier, 2018 à 20 h 56 min | Commentaires (0) | Permalien


Tasnudert : anekcum ɣer temhazt n telmas d imuhal n Darwin

Sɣur Samir Tighzert

………………………………….

Amagrad-a ur yesḍamiε ara ad d-yefk isalli ikemlen deg usentel meqqren iɣef i d-yewwi, imi mazal lexṣaṣ ama deg tutlayt neɣ tirmit n tira deg tussna s teqbaylit. Ihi am akken i d-yedda deg uzwel, d asalu kan i neεreḍ ad nerẓ yess deg uḥric n tesnudert (biologie), ladɣa deg usentel-a usdid : tamhazt n telmas (évolution des espèces). D acu ɣas akken tella deg-s tanga tapidagujit ara yaf yiwen, nessaram d ayen ara itekkin daɣ i ureṣṣi n llsas n tussna s teqbaylit d tmaziɣt s umata.

…………………………………..

Llsas n Charles Darwin

Charles Darwin, amassan n ugama aglizi, ilul di Shopshire ass n 12 deg furar1809, yemmut di  Dawne ass n 19 deg yebrir 1882. Imahilen-is ɣef temhazt[1]n telmas[2] timuddirin ḍḥan-d d wid yessegrawlen tasnudert segmi d-yessufeɣ adlis-is Iẓuran n telmas deg useggas n 1859. Dɣa asmi yella icaε yisem-is gar imassanen s inadiyen iga, i yessker yiwet n turda[3] i d-yeqqaren belli tilmas akk timuddirn yellan zemrent ad ilint seg yiwen neɣ si kra kan n ijaddiyen ucriken i d-uɣent aẓar armi mehzent ɣef teɣzi n wakud, s twisi n wayen iwumi qqaren afran agaman[4].260px-Charles_Darwin_1880

Di tilawt, mačči d netta i yennan d amezwaru belli amdan yeqqers-d seg yibki (aḥallum, iddew), acku yezwar-it ɣer waya Lamarck s xemsin iseggasen, ulamma tazrawt[5]-is netta (Darwin) ɣef tikti-nni daɣ i tettawi yerna tessegza lumuṛ s telqey ; baqi segmi d-yeffeɣ udlis-nni-ines yuɣal yegget fell-as wawal d unṭag deg ijernanen d wanda nniḍen, ladɣa si tamiwin timasɣanin (imdeyynen) i iwalan deg-s ankaṛ n wamek i yettwassen uxlaq n ddunit d wayen yettidiren, sɣur Rebbi, meḥsub werǧin i d-yella Adem neɣ Ḥewwa am akken i t-id-nnant tektabin tuɣrisin.  Ihi ur d-dduklen yid-s imassanen s tidet armi d aseggas 1870 mi rnan walan tidet-is ɣer wiyaḍ deg wayen yerzan tiẓri n temhazt (théorie d’évolution) i d-yessumer, dɣa din i tebda tdarwinẓrit tettaɣ abrid deg ubeddel n tmuɣliwin tinudranin armi d-wwḍen wallalen imaynuten di lqern wiss 20 i itebbten awal-is ula ɣef ufran agaman i yellan tuɣ yezzi-yas ccekk.

M’akken i d-yesnulfa tussan-yi tamaynut ara yuɣalen d taxatart maḍi syin d afella,  Darwin yella d amnadi kan amecṭuḥ ifukken leqraya-s deg uɣiwen[6] n Ṭṭebba n tesdawit n Edambourg, ihi yedda deg uɣarrabu[7] Beagle i yeffɣen  deg tuɣḍaṭ[8] unadi i tikelt tis snat, ɣer tnila n Temrikt n Wenẓul, iruḥ s yisem-is d amesnakal[9] kan imi d wayen i d-yelha imir. Maca ayen i t-iwellhen tikelt tamezwarut, d ayen iɣer yerra tamawt deg tgzirin n Galápagos ɣef kra n telmas n yiwen wefrux. Afrux-a llant kra n tlemas-is ɣur-neɣ ; deg tama n usammar n Bgayet qqaren-as abulkettan, deg Ǧerǧer abuferriw neɣ amenferriw (pinson). Ihi mi imuqel yaf sin ispisimanen i d-yekkan si snat tegzirin yemqaraben, ttemcabin deg kullec ala deg uqamum : yiwen zur, wayeḍ rqiq. Syin iwala yal afrux ggtent telmas-is deg yiwet n tewsit (genre), dɣa yesteqsa iman-is : ma d win iwumi qqaren Axellaq i igan akka annect-a, amek yeεni ara s-yini wayi ad s-geɣ aqamum akka, wayeḍ akken nniḍen, neɣ ad ten-ssemxlafeɣ kan deg teɣmi n rric ? Yerna mačči kan ɣur yefrax i llant lewhayem, ula si tama n iɣersiwen imeqqranen : amek yiwen deg leḥcic i ikess wayeḍ yettseyyiḍ iɣersiwen-nni at leḥcic s yiman-nsen ? Yuɣ lḥal tamella[10] ur telli deg teẓgi neɣ daxel n yillel, ayen izemren i kra-iḍen yečč-it !Imenferrawen

Akka, Darwin mi yekfa tazrawt-is deg imenfarrawen i d-igemmer, yufa belli ayen i ten-yessemgarden d abrid kan i d-wwin deg tudert-nsen d twennaṭ ideg εacen ; dɣa win i d-yekkren deg tegzrit anda yeqwa lḥebb n yemɣan, iṛebba aqamum zuren iǧehden swayes ara yerẓ tuččit-is, ma d win nniḍen iεacen anda akken txuṣṣ, itetten kan ibεac, ayla-s netta iruḥ s teɣzi, yemmug i tseddi[11] amek ara d-yeṭṭef ayen meẓẓiyen. Wa d amedya kan amecṭuḥ, maca Darwin ssya i iṣadd armi yessegrawel tussna n imudar s lekmal-is. Yufa ziɣ d agama i d-yelhan s kra din ; yella wanda ḍerrun lumuṛ s usamma[12] kan d wamek i d-yewwi lḥal, maca dima d talmest iǧehden deg iɣersiwen, meḥsub tin iḥerzen tigemmi tajinit (patrimoine gnétique) yelhan i d-igerrin tettidir. Daymi aṭas i inegren segmi d-tebda tudert ar assa. Ma d tigemmi-a tajinit i yeṭṭfen amkan deg tsilunin[13] n wudus[14], neɣ amek tettεeddi gar tsitiwin, Darwin netta ur tt-yefhim ara di tallit-is, d taɣnwt-is (instinct) kan tamassnant d termit-is deg uḥekker d ufraẓ n lumuṛ i t-yeǧǧan ad yaru fell-as ; d acu ur ssawḍen ad tt-fehmen armi d talemmast n lqern wis XX, ad d-nuɣal ɣur-s.

Tabadut d usissen

Deg tesnudert, tamhazt d ayen yerzan inbeddalen i d-yettilin deg telmas timuddirin ɣef teɣzi n wakud ; d yiwen umazrar i d-yeṭṭfen seg talɣiwin timezwura maḍi armi d imudar n tura. Amezruy n tenhazt n tudert yezmer ad d-yettwiglem s yiwen waddag meqqren neɣ aṭas n waddagen n tgetjinit (poygénie).

Tamhazt tcudd ɣer usnulfu n telmas, maca seg-s daɣen i d-itekk ungar-nsent. Dɣa d turda n wefran agaman i d-yessumer Darwin i yettilin deffir inbeddalen-a, ulamma aṭas  ineḍruyen i itekkin uqbel tuffɣa ɣer tsemlilt taneggarut i d-ijemmlen tiẓri n tenzeht (la théorie d’évolution). D acu tura aṭas imassanen i yettagin ula d awal-a n « tiẓri », imi ɣur-sen d ayen yessurfen amecwar-nni s wayen i d-tufa tussna tineggura-ya s wallalen atraren, ladɣa s igmaḍ n tesnudert talayant (biologique moléculaire) i d-yufan s tseddi, d amedya, amek yecrek w ADN n wemdan d yibki. Maca si tama nniḍen, d udem-a n lqerban gar umdan d uɣersiw i yeǧǧan aṭas n leṣwat ad ilin mgal tikti n temhazt ; llan gar-asen ula d imusnawen i iεerḍen ad gen tizrawin-nsen s webrid-iḍen iɣef teɣleb tezrirt[15] n teflest d tektiwin timasɣannin (n ddin). Amedya, qqaren belli d tidet, amdan yezmer ad yili iεedda-d ɣef waṭas n tsurifin uqbel ad yaweḍ akka d amdan, maca yella kan w’i iwellhen inbeddalen i d-yeḍran si tazwara, meḥsub d Rebbi-nni iss i ttamnen ; aya d ayen iwumi semman « asɣiwes amegzu » ( le dessein intelligent).

Imenzayen imuta 

Di tilawt, ur d-yeḍḥa yewεer i waṭas n medden akken ad gren tikti n temhazt di lbal-nsen, armi d-tettbin tumelt[16]-is akka sufella d ayen ur iqqebbel wallaɣ, ladɣa ɣer wid i d-yekkren s tikti tamensayt[17] n wexlaq imudar. Imi deg tidet-is, tamhazt tettarra laṣel n wemdan d wayen akk yeddren ɣef akal, ama d aɣersiw neɣ d imɣi, akken yebɣu yili meqqer neɣ mecṭuḥ, alamma d yiwet kan n tsilunt si ṣṣenf abaktiri ideg i d-tebda tudert deg waman ahat ma drus 3,5 imelyaren iseggasen. Ayen i d-yettxebbiren ɣef waya d imikrudusen (microrganismes) i ttafen ar tura deg ifuṣileTamhazt2n, yerna tikwal irennu yettibεid later-nsen deg wakud.

Lḥaṣun ɣef akken d-teqqar tussna tatrart, d tabaktirit-a  tamikruskupit i yebdan tettimɣur mi d-tufa iman-is deg waman ur nmelleḥ armi tuɣal s talɣa n twekka tusbiṭ yettbinen ; syin mi tkemmel deg unegmu teṭṭef ṣṣifa n yislem. Ifuṣilen[18] n « iselman-a » ttafen-ten dɣa s waṭas ɣer tamiwin igarawen (océans) ; ihi d kra seg-sen i d-yeffɣen, seg wid yesεan tiferrawin tičaranin, zgan tteḥnunufen-d armi d-gran deg wakal aquran, dɣa d tifarriwen-nni i yuɣalen d iḍarren syin d afella. Yiwen uspisiman seg iqburen i ufan deg usammar n Groenland ahat wwḍen 460 imelyan iseggasen segmi iεac.

D widak i d-yeǧǧan igḍad, iḥraraden[19], ikalmanen[20] yecban imqerqar, akked isaṭṭaḍen ; syin akk i d-kkan. Deg tallit-nni tamezwarut d idinusuṛen i igman s tɣawla, yerna tuɣ llan am yegḍad kan, ma d wiyaḍ merra wwin-d acḥal di ṣṣifa n uɣersiw-nni i iṛebban tiḍartin yuɣal ileḥḥu ɣef rebεa, yella d ameɣẓaz[21] icuban s aɣerda, d netta i d ajaddi n isaṭṭaḍen merra ideg nella nekni. Ur yebda gemmu-s d inbeddalen-is ɣer waṭas n telmas armi negren idinusuṛen si 66 imelyan iseggasen-aya. Dɣa ɣef teɣzi n imelyan n lesnin, yebḍa ɣef waṭas n twaculin tiɣersanin, gar tid yettseyyiḍen d tid itetten leḥcic, d wiyaḍ ukud llan iprimaten, asellun[22] yesdukklen amdan d waṭas n yibkan. Maca iprimaten mgaraden, llan imecṭaḥ, llan imeqqranen, ihi seg imeqqranen-nni i d-yeqqers umdan.

 

Tamhazt n wemdan

Yella da lɣilaḍ mucaεen ideg ilaq ad d-nebdu. Tuget n medden seg wid ur nwala tussna si lqerb, deg tmettiyin akk nprimateshommechimpanzesquelettesdp ddunit, qqaren ma seg yibki i d-nekka s tidet, amek armi ibkan n wassa ur ttuɣalen ara d imdanen ? Netta da llant snat n tlufa i ilaqen ad ttusegzint. Tazwara, anbeddal-a mačči d ayen i d-yettilin deg teswiεt kan akka, d inig ameqqran deg imyaten n luluf n lesnin, ur iẓerr yiwen s wallen-is ma ur inuda ara deg ifuṣilen, imi yettili-d s leεqel maḍi. Tin ɣer-s, mačči seg ibki-a n tura s yiman-is i d-iruḥ umdan. Ma d tura akka aɣersiw i ittemcabin maḍi ɣer umdan si tama tansudrant, d acampanzi (chimpanzé) i yettidiren deg Tefriqt, acku send ayen ara yilin gar 6 d 8 imelyan n lesnin, yella ujaddi-nneɣ yiwen. Meḥsub kra seg telmest-a i ɣ-icerkan yella wayen i d-yeḍran deg udus-nsen ; ladɣa taḍermist (mutation) i yerzan allaɣ, d tin i yellan deffir n tilin n wemdan, ulamma amdan-nni amezwaru yettemcabi ugar ɣer yibki.

 D acu, mi d-yeffeɣ si twacult tasnudrant iwumi qqaren homonidae, amdan yebda yettenkar ɣef sin iḍarren, yessemras allaɣ-is, ikemmel tamhazt-is deg waṭas imecwaren, segmi yuɣal d tawsit (genre) iwumi qqaren homo : dɣa yella : homo-habilis, uqbel azal n 2 imelyan n lesnin deg Tefriqt usammar d wenẓul  (i isqedcen yakan times, yenjer ablaḍ d amrig yerna yeffeɣ si Tefriqt) ; homo-eretcus uqebel 1,8 imelyan, d netta i ikecmen Turuft ; ma ɣer tagara d homo-sapiens i d-yellan si 300 000 iseggasen, i yuɣalen yettxemmim s tidet, d nekni dɣa akken nella tura ; yella neanderthal ɣer tama-nneɣ deg tewsit homo, iεac ula deg Turuft, maca winna yenger.

Tisura n tesnudert talayant deg tussna n temhazt

Iban, akken ad εeddint ṣṣifat si tsuta ɣer tayeḍ gar imudar, ilaq kan ad tili tanga[23] ara tt-yawin. Aya ifhem-it Darwin, maca win i d-yeldin tifrat ɣer tmukrist-a i tikelt tamezwarut, d Uṭrici Mendel (1822 – 1884) i yellan d aqessis (prêtre), d acu yelha-d daɣen d inadiyen-a i iḥemmel, imi tuɣ yeɣra deg tfellaḥt . Dɣa d netta i igan llsas i tussna tamynut ara d-ilalen syin d asawen, iwumi neqqar tajinitit, ulamma imahilen-is ruḥen ttwattun acḥal iseggasen d wamek εawden gan-asen ccan. Lḥaṣun, d netta i d-yufan isuḍaf  iwumi qqaren ara assa Isuḍaf n mendel, d ayen yerzan abrid n umcabi gar umudar d baba-s, neɣ jeddi-s, neɣ gma-s (deg yiwet n tsuta) atg. (ad d-nawi fell-as deg umagrad-iḍen). Yerna netta ɣef yimɣan i iga tirmitin-is, meḥsub d ajilban i yebda iteẓẓu-t ɣef waṭas n tikwal armi d-yessufeɣ igmaḍ ineggura.800px-DNA

Maca wid i d-yesfehmen tajitinit s tidet, d Watson akked  Crick deg useggas n 1953, asmi d-ufan amek yemmug w ADN s tseddi. ADN d alay[24] asnudran aɣezfan, n uɣurmi (nayau) n tsilunin akked kra ivirusen, deg-s i yettwaxan yisalli ajini s wudem akimyan. Ihi ma zik imusnwen tuɣ zerrfen s tmuɣli kan d ufraẓ n termitin, seg yimir uɣalen sεan tanga yettwallasen iɣer tcudd kra yellan d ṣṣifa yesεa umudar, izemren ad ssrewsen seg telmest ɣer tayeḍ ; dɣa tura mačči kan d iusḍaf n Mendel i yuɣalen ttwazrawen s wudem ufrin, ssawḍen yimnuda fehmen yess ula d anda zedɣen kra n waṭṭanen yettεeddin si tsuta ɣer tayeḍ, ayen ara iεiwnen i uεqal-nsen ɣas qbel talalit ; dɣa kka i ssulin ijinumen (génomes) n kra imudar. Ajinum d ayen i d-ijemmlen isallen ijiniyen icudden ɣer kra n telmest, win n wemdan fkan-t-id di 2003. Asmi t-srewsen ɣer win n yibki acampanzi ufan ttamcabin alamma d 99%, ayen yesswehmen lεamma tamassnant, imi tilawt n temhazt tuɣal tban-d s wanzaten ufrinen, ur d-teqqim ara tettwaḍfar s ifuṣilen kan d tɣessiwin tiqburin, ladaɣa ma neẓra belli widak yettili lexṣas deg-sen ɣas akken ttaken-d isalli iqumen m’ara ilin.

Yerna am akken yenna Richard Dawkins[25], win yebɣan kan ad s-d-yessukes kra i tidet-a, ad iruḥ ad d-inadi taɣessa n wemdan ara yesεun ugar n 8 imelyan di leεmer ; d lmuḥal, imi amdan tuɣ ur yewwiḍ ara talɣa i nesεa tura. Kifkif ula i iɣersiwen akk i nessen, aqjun neɣ awtul, ur ttafen iɣsan-nsen ala seg tilla-nni kan mi qqlen s tumelt-nsen n tura.

Facebook/Timuɣliwin

©2017 Tighzert

 


[1] Tamhazt : évolution. [2] Talmest, tilmas : espèce [3] Turda : hypothèse
[4] Afran agaman : sélection naturelle. [5] Tazrawt : étude [6] Aɣiwen : faculté [7] Aɣerrabu : navire [8] Tuɣḍaṭ : mission [9] Amesnakal : géologue [10] Tamella : rreḥma [11] Tiseddi : précision
[12] Asamma : hasard [13] Tasilunt : cellule [14] Udus : organisme [15] Tazrirt : influence
[16] Tumelt : aspect [17] Amensay : tradititionnel [18] Afuṣil : fossile [19] Aḥrarad : reptile
[20] Akalman = akal+aman : ttidiren deg wakal deg waman = ambphibien. [21] Ameɣẓaz : rongeur [22] Asellun : ordre [23] Tanga : matière [24] Alay : molécule (amawal n Dahmane Mazed) [25] D amesnuder aglizi, d amassan deg temhazt, ilul di 1941.



website counter

Stats For Free

9 septembre, 2017 à 14 h 34 min | Commentaires (0) | Permalien


Amezruy : ayen ur gan lejdud i tmaziɣt

Sɣur Samir Tighzert

…………………………………

Abrid i d-wwin Imaziɣen deg umezruy d yiwen seg wid yeččuren d tasḍiwin[1], maca tikwal yessewham s kra n lexṣas i nezmer ad d-nessukkes, ladɣa deg wayen yerzan tutlayt d tsertit.

Di tilawt, ulac Amaziɣ yefkan azal s tidet i tutlayt-is uqbel lqern wis 20, ula deg talliyin mi ḥekmen nutni s yiman-nsen. M’ara nẓer kan belli tamaziɣt (s tantaliwin-is yemgaraden) ur tuɣal d tunṣibt di kra n tmennaṭ deg wakal-is segmi d-tella armi d aseggas n 2011 deg Lmerruk syin teḍfer-d Lezzayer, yewwi-d ad nefk tuttra tabɣast[2] i iman-nnneɣ u ad d-nqirr anda « ḍelmen » lejdud-nneɣ.

Tallit n teglest[3]

Yuɣ lḥal, am akken i ten-mazal ar tura, Imaziɣen si zik ttwassnen s tsefkt[4] i sεan ɣer tutlayin seg wasmi ttwassnen deg umezruy (ladɣa gar Iṛuamniyen d Igrigiyen), meḥsub isehel-asen ulemmud n tutlayin n lǧiran-nsen. Meslayen tafiniqit n Qerṭaj iwumi qqaren tafuniqt[5], talaṭinit, tagrigit, taεrabt, tafransist, d tiyaḍ di kra n talliyin am tsepenyult. D acu, aya d ayen i ten-yeǧǧan, ma nenna-d akka,  ad rren ayla-nsen ɣer ṭṭerf. Yuɣ lḥal gar yegduden imezwura iεucren Imzaiɣen, d Iqerṭajiyen i ten-id-iqerben ugar di tmennaṭ n tmanaɣt Tunes n tura. Ihi s Masensen s Sifaqs llan d imdukal-nsen, deg yiwet akken n tallit. Cerken yid-sen kullec, mεucaren deg twaculin, uqmen assaɣen ara d-nini assa d isertanen ; dɣa yiwen am Masensen i yesseḥbabren ɣef tgelda-s amek ara twenneε, yeddem aṭas seg termit[6] Iqerṭajiyen i d-wwin nutni sɣur lejdud-nsen Ifiniqen, ladɣa ayen yerzan tafellaḥt d tnezzut[7], maca yesseqdec ula d tutlayt-nsen tafuniqt i yuɣalen d tin i d tunṣibt ama deg uɣrem-is neɣ di tmanaɣt-is Cirta s umata, tugart ma llan ibeṛṛaniyen, ulamma tezga tmaInscription_bilingue_de_Thugga2ziɣt deg ugdud.

D tidet, uran s tfinaɣ imiren, maca mačči d iḍrisen, d ismawen kan akka d wwalen ifriḍen i ttarran yess tikwal ɣef yeɣraben ifakanen[8], ixxamen unṣiben, iɣran[9] ttawin yemnayen, d wayen nniḍen ; yerna dima tettili ɣer tama-s tfuniqt neɣ talaṭinit syin ɣer da. Lejdud-nneɣ deg leqrun-nni lemden tutlayin i d-nenna, uran yes-sent idlisen am Ḥiemfsal wis sin i yuran s tfuniqt, agellid Yuba wis sin i yuran s tlaṭinit, d wiyaḍ i d-iḍefren syin d asawen am Ufulay (lqern II ), d ugerram[10] Ugustius (lqern wis IV), maca widak banen, imi llan seddaw tecḍaṭ n Ruma.

Akken i kemmlen deg tallit Iwandalen d tin Ibizanṭiyen, ma d tawaɣit tasnilsant[11] tameqqrant teḍran-d mi d-wwḍen Waεraben. D acu aɣbel mačči deg ukeččum n imhersanen[12] i yella kan, acku dayi ilaq ad d-nesmekti yiwet n tidet tamazrayt i ntettu nekni s Imaziɣen, yerna llan wid ur tt-nessin.

Tallit tanammst d ukeččum n Waεraben

Ihi mi d-wwḍen Waεraben akal n Tmazɣa seg unṭag amezwaru n useggas 647, yuqeε-itt imenɣi, qqlen ṭṭfen tamurt. Maca yewweḍ-d lweqt anda εawden Imaziɣen refden-d iman-nsen, ladɣa deg tama umalu, εewwlen ad kksen azaglu n ddula Tamawit (Omeyyades) d uqerru-s deg Dimecq, yerna ssawḍen rnan Aεraben imawiyen, tugart segmi tt-gezmen di rray ad sen-lḥun s tin n ddin i ḍefren segmi sen-teffeɣ afus, meḥsub win n tneslemet, maca deg terkent Ixerriǧiyen i d-yerran azalen n teɣdemt yettwaεfsen si tazwara ; yuɣ lḥal asɣan n tneslemt  ur d-yeqqar ara belli d Aεrab kan i ilaqen ad yeḥkem, ihi s wakka i sellmen Yimawiyen imi si tama-iḍen ur d-grin ara ǧehden am zik.1

Dɣa din i tella tuzzma deg Imaziɣen, acku deg wayen ara nadin ad reṣṣin ayla-nsen s tidet, tamagit-nsen i yebnan ɣef tutlayt uqbel ayen nniḍen, kemmlen ɣlin deg texfet n ddin i tikelt-iḍen. Nenna-d si tagara n lqern wis VIII, amur ameqqran n Tmazɣa yegra-d ɣer yimawlan-is, ternuḍ ula d Landalus i ṭṭfen i ṭṭfen yemslemn di Spanya, ala deg Tunes de Libya i qqimen cudden ɣer Usammar aεrab imi aṭas i istqerren  din n Waεraben i d-yekkan si teqbilt n Σuqba ben Nafeε. Ihi ɣas akken, wid i d-yerran timunent-nsen, mi kkren sbedden iwunak[13] imezwura, d ibeṛṛaniyen i rran d Iqerra ! Akka, wid yellan deg tama n Merruk n tura d Idris amezwaru i d-irewlen si n tmurt taεrabt i sbedden m’akken i sen-yenna yeqqers-d si twacult n nnbi Muḥemmed, Ibaḍiyen n Tihert ssulin Ibn Rustom afarsi, imi t-tuɣ deg ubrid-nsen amasɣan i yella. Dɣa kullec ikemmel ileḥḥu s tutlayt n Leqran ; am widak n teglest, Imaziɣen n tallit tanammast werǧin i meyyzen ad arun s tutayt-nsen, d tutlayt-iḍen tabeṛṛanit i d-yernan teṭṭef-d agnes. Ulamek ara nini d lbaṭel i yeḍran fell-aɣ, imi lawan-nni d Imaziɣen i iḥekmen ; ula d ddulat i d-iḍefren : Ifaṭmiyen, Iziriyen, Iḥemmadiyen (di Bgayet !), Imweḥḥden, Imurabḍen, Izeyyanen, Iḥefṣiyen ; neɣ di tama n Merruk daɣ : Iminiren d i Iseεdyen d Iwaṭṭasen, uqbel ad tt-ṭṭfen Yeεlawiyen si 1631 ar tura… kemmlen ttarun arraten-nsen d tebratin s taεrabt.Yerna mačči d ayen kan ; ula m’ara yili d Amaziɣ i d sselṭan neɣ i d ageldun, yettεerrib isem-is am akken uɣen tannumi wid yessezwirin tineslemt deg ukersi-nsen ; amedya seg wid yettwassnen, d aḥemmadi Nnasir ibn Al-anas ibn Ḥammad (1062-1088) i yerran Bgayet d tamanaɣt-is, imi di tilawt isem-is Anzir. Maca ur ilaq ara nenker, ulamma drus, llan kra i yeǧǧan isem-nsen am Yeɣmurasen di Tlemsan (1206 – 1283), ɣas akken yerna-yas « Ibn Zeyyan » nni. Nnan-d belli Utumert n waṭlas amerruki (- 1130), imsebded n ddula n Imweḥḥden, i isemman i iman-s Ibn tumert, yura sin yedlisen-is “Lεaqida”, d “Lmurcid” s tmaziɣt, uqbel ad ten-yessuqel ɣer taεrabt.[14]

Limaṛa i d-yeǧǧa ddin deg Tmazɣa d taẓegzagt[15] ; imi ɣas akken tantaliyin timaziɣin ssawḍent ddrent deg ugdud akken ilaq, deg timawit kan i qqiment. Nnig wakken, imeyyazen n lweqt-nni mačči kan uran s taεrabt, wten ula fell-as akken ad tt-ssjehden, am Ibn Jerrum i d-yeǧǧan tajerrumt taεrabt i yesεan azal ar assa ɣur ikadimyen aεraben, si lqern wis XIV.

Seg Iṭerkiyen ɣer Ifransisen

Ma segmi d-kecmen Iṭerkiyen, kra din yensa deg tmazɣa talemmast, imi Lmerruk n tura ur tt-wwiḍen ara. Deg idurar ur tesεiḍ w’i yessnen ad yaru ala kra n lecyax iteṭṭfen ɣer yiman-nsen, ladɣa imṛabḍen i d-ikecmen tuɣ tamurt taqbaylit, imi di lawan-nni win yessnen acemma taεrabt yerna yeḥfeḍ kra n tsurtin, d win kan i d amusnaw, nnig-s ulac. Yuɣ lḥal widak ur ttjerriden ula d asefru ma yella-d, ɣas d adekker i yettdekkir bab-is. Akka i zedrent tmeslayin timaziɣin seddaw uzaglu n taεrabt i d-ssusen wat tmurt s yiman-nsen. Armi d-tekcem Fransa i bdan mehhzen[16] lumuṛ ulamma deg snat tamiwin tinemgalin. Imi si tama tamharsa tafransist tεewwel-d ad tεerreb akk Tafriqt Ugafa, aya d ayen ibanen, s yismawen i tbeddel d tnariyin taεrabin i tesbedd di yal amkan, dɣa ula d inmezrayen-nsen imeqqranen am Stéphane Gsel cehhden-d ɣef akka. D acu si tama nniḍen, si tallit-is i d-tebda tira n tmaziɣt. Γas deg tazwara d ayen ikecmen kan iswi-nsen astaritiji, imi akken ad ẓẓlen aḍar akken ilaq yewwi-d fell-asen ad ssnen tutlayin akk n tmurt, ama di Lezzayer neɣ di Lmerruk. Maca tuɣḍadin[17] n unadi deg tutlayt-nneɣ d usekcem-is deg tira, d tid i s-yerẓan asalu i tikelt tamezwarut sɣur ifransisen, gar ibabaten imellalen, iserdasiyen, d wiyaḍ.

Dɣa Adolphe Hanoteau (1814- 1897), ajiniral i yuran s teqbaylit gar imezwura maḍi  tagara n lqern wis XIX, yetewhhem asmi inuda deg tmurt n Leqbayel ad s-d-mlen ma yella kra n wedlis yuran si zik deg tmennaṭ-a, ur yufi ula d tajridt ufus ! Yerna ula mi yesteqsay imdanen, ur yefhim ara amek armi ur d-yegri wayen ara s-d-ḥkun ɣef kra n taluft ibeεden deg wkud ; meḥsub taktawt[18]-nneɣ tanbazt[19] ɣas in’as teqqim d tilemt. « Werǧin ẓriɣ aɣref ur d-necliε deg umezruy-is am Leqbayel. » i yenna deg tezwart n wedlis-is anda i d-iḥawec isefra d ccnawi. Dɣa ma yenna akka, mačči d astehzi, d lewhayem kan i yewhem. Imi di tilawt, Leqbayel neɣ Imaziɣen nniḍen, mačči d tasmuḍi i semmeḍ wul-nsen ɣef wayla-nsen maca d tira i ten-ixuṣṣen. Tidet kan, ɣef igiman n lesnin, cehhden-d fell-aɣ ibeṛṛaniyen amek i nfaz deg waṭas n taɣulin[20], am tid n nnif, tabɣest deg umennuɣ d wazal nettak i wakal ajaddi, atg. Maca deg wayen yerzan idles, tafawet meqqret, yerna ssebba mačči dima sɣur imhersanen i d-tekka.

Imaziɣen assa

Ccwi kan seg Iṛumiyen-nni imezwura, deg tmennaṭ taqbaylit uɣalen kkren-d Leqbayel s yiman-nsen mi ifat ufan ttawil n tmusni, si Bulifa ɣer Mεemmri armi d wid n tura. Assa taqbaylit teɣrem-d acḥal seg wayen i tesεa d lexṣas. Segmi s-bedden imeɣnasen imezwura i iḥebbren ladɣa i tmawalt tatrart i sbuɣren acemma, tuɣal treffed iman-is kra kra. Yerna mačči d lmuḥal ad nqaḍeε wiyaḍ deg yal taɣult. Amedya meqqren deg tutlayin yellan am ayla-nneɣ deg tgellelt, i ilaq ad nmuqel, d win n tεebrit n Isryil. Imawlan-is skeflen-tt-d si tillas n wakud, anda tella ur tettwaseqdec ala deg ddin d wayen icudden ɣur-s, tura uɣalen sɣarayen yess ula d tusniwin εlayen. Awi-d kan lebɣi ad yezdeɣ ulawen u ad ggten imeɣnasen icuban wid yellan yakan, ara d-iεiwnen yal wa deg uḥric-is, dɣa ayen i ɣ-iruḥen ɣef tizi n leqrun nezmer ad t-id-nerr di kra n tnemrawin iseggasen kan.

Yerna tura yettuḥettem fell-aɣ ma nebɣa ad tidir tutlayt-nneɣ ula deg umeslay kan. Amedya deg tutlayt taqbaylit, ma zik lejdud ur uran ara, iles-nsen yezga d amaziɣ, tugart deg idurar, seg wakken ur yelli wayeḍ ara s-yekksen amkan… tura d tuggza[21]-iḍen i ɣ-yeggunin. Si tmunent ɣer da, taεrabt tekcem iɣerbazen deg tudrin, wid yettmeslayen ala s tmaziɣt, am tyemmatin i tt-iḥerzen zik si tsuta ɣer tayeḍ, uɣalen heddren daɣ s tefransist d taεrabt ; yeshel ihi maḍi ad ruḥen wawalen ma ulac ajerred-nsen deg idlisen. Acku ɣas yebda uselmed n tmaziɣt yettaɣ tagnit, ma ur tewwiḍ ara d tutlayt tamezwarut n tɣuri anda i tella d tutlayt tayemmat, yewεer akken ad teḥrez tallunt[22] i s-tekksent tiyaḍ si yal tama. Wa d addad[23] n teqbaylit kan, maca d ayen yerzan tutlayin nniḍen akk  timaziɣin, am tcelḥit (Merruk) d tcawit i yettwaḥersen deg temdinin armi uɣalen kra imeḍqan tenger maḍi tmaziɣt deg-sen.

Facebook/Timuɣliwin

©2017 Tighzert


[1] Héroïsmes [2] Courageuse [3] Antiquité [4] Don, talent [5] Punique [6] Expérience

[7] Commerce [8] Temples [9] Boucliers (as. aɣer) [10] Saint (homme) [11] Linguistique (adj) [12] Colonisateurs

[13] Eatats, dynasties

[14] Yenna-ti-id dɣa unmezray amaṣri Yeḥya Huwaydi deg udlis-is ɣef Umezruy n tfelseft tineslemt deg Tefriq ugafa.

[15] Fatale [16] Evoluent [17] Missions [18] Mémoire [19] Collective [20] Domaines [21] Menace

[22] Espace [23] Etat, situation



webs counters

Total Count

29 août, 2017 à 19 h 31 min | Commentaires (0) | Permalien


Aɣrum d usebsi d wayyur (asefru)

 Sɣur Nizar Qebbani -1954

Tasuqilt (si taεrabt): Samir Tighzert

Tusa-yaɣ-d tikti ad nessuqel asefru-ya n Nizar Qebbani (1923- 1998), amedyaz asuri yettwassnen, acku nwala-t igerrez yerna mucaε deg umaḍal ; di tilawt aṭas i t-yerran ɣer tutlayin-nsen seg wakken ameskar iwet-d deg-s s leqseḥ deg yir tikli i d-wwin Waεraben d yimslelmen s umata i yeṭṭfen ala deg wansayen iqburen akken bɣun ilin, rnan zzin s uεrur i tɣerma mi d-lhan ala d ddin. Asmi t-yura ssawḍen armi t-sbedden ɣer teɣdemt, yuɣ lḥal amedyaz-a yella icaε belli d arnaflas[1] i yella ; ma deg uparlman n tmurt-is kkren-d ula d wid i d-yessutren ad s-kksen tiɣelnit tasurit (nationalité), maca ur teffiɣ ara akken.

GT : Γer tagara n weḍris, ad tt-afem belli asefru-ya yella wanda i ɣ-yerza ula d nekni s Yimaziɣen.

 

Aɣrum d usebsi d wayyur

nizar2

Deg Usammar, yal mi d-ilul wayyur
Lesquf-nni mellulen akk tettawi-ten tnafa
Seddaw ikemcan urelluc
Medden imir ttaǧǧan tiḥuna, ttruḥun d tirbuyaε
Akken ad mmagren wayyur
Ttawin yid-sen aɣrum…
[ d bu-tqsiḍin… s ixf n wedrar
D kra ilaqen i ssekṛa
Dɣa ttaɣen zznuzun lexyalat
D tugniwin
Γas ma mmuten, ad yidir kan wayyur

***
Acu txeddem teḥbult n ṭṭya
Di tmurt-iw !
Tamurt n lanbeyya
Tamurt igellilen
Iteffẓen tiḥcinin…  imzenza n ssekṛa
Acu yexdem deg-neɣ wayyur
Armi ɣ-truḥ nnefxa-nni n zik
Nuɣal nessutur seg igenni…
Acu ara d-yefk yigenni
I imeksal ur nezmir ?
Ttuɣalen d lmeyytin
Ma yedder wayyur…
Senguguyen deg iẓekwan n lawleyya
Wiss m’ad sen-d-fken kra n ṛṛuz, neɣ igerdan…
Iẓekwan n lawleyya…
Ssewsiεin deg tẓerbiyin sut rrqem ucbiḥ
Ttawin-d lewqat s lεefyun-nni iwmi semman
Lmektub… Lweεd n Rebbi
Di tmurt-iw
Tamurt igellilen

***

Anwa facal, neɣ anefsuy
I ɣ-izeddɣen yal ma teflali-d tafat
Imi tiẓerbiyin… d luluf n tqecwalin…
Lkisan n latay, d igerdan, zerεen di tɣaltin
Di tmurt-iw
Anda ttrun wat nneyya
Ttẓallan
Zennun
Ttεicen s lettkal
Segmi ttεicen s lettkal
Rennun ssawalen i wayyur :
Ay ayyur,
A taεwint n lwizz
D usebsi d yiḍes
Ay illu n rrxam iεellqen
A taɣawsa ur nettwaman
Ili-yaɣ d agazu n lwizz deg Usammar
I imlyan n wid ur nettḥulfu s kra

***
Deg uḍan Usammar
Ma ifat yekmel wayyur
Asammar yeḍḍeqqir kra yesεa d nnif
Neɣ d lḥir
Imi d imelyan n lɣaci yettazzalen
[akken ḥafi
Yettamnen s tuɣin n rebεa tlawin
D wass n lḥisab
Imelyan-nni ur d-nettmagar aɣrum
Ala deg targit…
Izeddɣen deg yiḍ ixxamen n tusut
Werǧin ssinen amek iga usafar
D lǧettat i ttlusen i tafat
Di tmurt-iw… anda ttrun wungifen
Ard mmten seg imeṭṭi…
Yal mi ten-thuzz ssnitra s « llayali[2]»
Lmut-nni iwmi neqqar deg Usmmar
Ccna d wuḍan
Di tmurt-iw
Tamurt igellilen
Anda nettarra ifeẓ i icewwiqen ur nettfakka
Aṭṭan-nni yessengren Asammar
D icewwiqen ur nettfakka…
Deg Usammar-nneɣ iteffẓen… amezruy
Tirga timeksal
D tmucuha yeεyan
Asammar-nneɣ ur nettnadi tasḍa[3]
Ala ɣur Abu Zayd Lhilali[4]

                                                                                                                                                                                                       Facebook/Timuɣliwin


[1] Arnaflas : d war taflest ur nettamen s Rebbi (incroyant, athée).

[2] « Ya lili », (ay iḍ) d awal i d-yettuɣalen s tuget deg ccna n Waεraben usammar, yuɣal ɣur-sen d azamul n tesmeḍ n wul, εawaz di ttbernat d unadi n zzhu war tilisa (Tazmilt n umsuɣel)

[3] Tasḍa (mačči taḍsa), taḍsa n wasaḍ, n isaṭṭen : d ayen i d-yesbeyyin tabɣest n yiwen di kra n umennuɣ, n umihi neɣ ayen akk yeḥwaǧen leqder mi t-id-iḥella (héroïsme).

[4] Abu Zayd Lhilali d yiwen seg imeqqranen n Banu Hilal i tumeṛ ddula Tafaṭimit ad d-yeṭṭixer si Maṣer deg tallit-nni tanammast, dɣa yunag-d ɣer tama i Imaziɣen s trebbuyaε-is n Waεraben armi i d-yessegra tixessarin meqqren i Imaziɣen n Lezzayer n tura, tugart Iziriyen di lawan-nni, maca ula d Iḥemmadiyen siyn ɣer da, imi ttwassnen ala s uhuddu d tweḥcit deg tuẓin-nsen ɣer temdinin. Imazrayen qqaren-d belli d inig-a d wid i d-iḍefren i ireṣṣan Aεraben s tidet deg wakal amaziɣ, uqbel ad d-awḍen wid i d-ẓẓεen Ispenyulen deg tagara n lqern wis XVI. Dayi Qebbani yebɣa ad d-yini belli Aεraben ur ttzuxxun ala s tilla-nni mi kecmen timura n wiyaḍ, hudden tiɣermiwin, syin kra ur d-yelli (Tazmilt n umsuɣel).

Taḍrist tanaṣlit s taεrabt :

خبز و حشيش و قمر

عندما يولدُ في الشرق القمرْ
فالسطوحُ البيضُ تغفو
تحت أكداس الزَهَرْ
يترك الناسُ الحوانيت و يمضون زُمَرْ
لملاقاةِ القَمَرْ
يحملون الخبزَ .. و الحاكي .. إلى رأس الجبالْ
و معدات الخدَرْ
و يبيعونَ.. و يشرونَ.. خيالْ
و صُوَرْ
و يموتونَ إذا عاش القمر

(القصيدة كاملة)



Must See Places In Paris

Find IP

11 août, 2017 à 13 h 48 min | Commentaires (0) | Permalien


Awalen inmudag – taferrugt 01

 

Iheyya-ten-id Samir Tighzert

 

Taferrugt 1

Aglawan (horizontal)

1-  Tqubel (-d) ill Agrakal

2-  D aẓar n tudert – Mḥu

3-  Σaned

4-  Yessa ɣef ublaḍ – Sufeɣ

5-  Tanzeɣt – Seg idammen-iw

6-  Nnig uqerru – Ameskan (démonstratf)

7-  Ṣṣifa

8-  Tewwi – Fareṣ deg wussan

 

Aratak (vertical)

A-  Nnan d abrid ɣer Rebbi

B-  Tanzeɣt  – Nutenti (yenneqlab)

C-  Tasɣunt (conjonction) –  Kkseɣ ɣef wul-iw

D-  Ayen yessen drus

E-  Rwel si twaɣit

F-  Serreḥ i yiles-ik (m) –  Tanuṭet uẓawan (musique)

G-  Xḍu

H-  D isekkilen n tuffɣa

…………………………………………………

Sader Ttaferrugt-a d Word

Sader taferrugt-a d PDF

 

Facebook/Timuɣliwin 

Lovely Counter


Free track counters

7 août, 2017 à 21 h 39 min | Commentaires (0) | Permalien


Awal ɣef Don Kicuṭ n Manca n Cervantes

 Sɣur Samir Tighzert

……………………………………..

Don Kicuṭ n Manca d ungal i yura umyaru aspenyuli Miguel de Cervantes deg sin yeḥricen (amenzu deg useDon Kicuṭ n Manca akked Sancu Panzaggas 1606, wis sin deg useggas 1616). Ungal-a yettuneḥsab d win i d amezwru yakk deg tsekla tatrart ɣef leḥsab n tɣara n tira-s d wudem iss i d-yedda deg-s wullis. Yewwi-d deg-s umeskar ɣef yiwen wergaz akken bu-nneyya, iwumi qqaren Don Kicuṭ n Manca[1],  asmi iεewwl ad yeg am yemnayen iqbuṛen, imi d isaṭṭen[2] iɣef yeɣra deg tektabin. Ameskar yenna-d dɣa seg tazwara : Don Kicuṭ yeɣra yeɣra deg teqsiḍin-nni armi icuf iqerru-s, meḥsub yemxell, ihi iεedda ad yeḍfer abrid-nsen, ulamma tuɣ tεedda tallit n yicaliyen am widak.

Taddist

Akken ad yefhem yiwen taqsiṭ n Don Kicuṭ ilaq ad iẓer acu d ungalen n  « temneyt taḥewwast », anda teffɣen imnayen akken ad d-fdun wid akk yettwaḥeqren ɣas ma ur ten-ssinen, iwakken kan ad sbedden lḥeqq u ad d-beyynen tabɣest-nsen. Azgen deg-sen ttawin-ten-id  kan d timucuha deg tallit-nni tanammast, maca Don Kicuṭ i iselben si tɣuri-s, yerra-tt d tidet, iεewwel ad yeg am nutni, ad d-yerr taɣdemt i lɣaci. Yessufeɣ-d ihi aεudiw-is ihezlen akk iwumi isemma Rusinant (Rocinante s tspenyult), yekkes-d asekkin d waɣer[3] i yellan din deg uxxam tuli-ten tɣebbart seg wissen anwa zzman,  takurazt[4] d wayen akk yettiḥwiǧ umgara[5] deg lawan-nni ; syin yessawel-d i yiwen n lǧar-is yeččuren d nneyya daɣ am netta ɣas ma di leεqel-is yella, qqaren-as Sancu Panza, iḥemmel inzan aṭas, d win i yextar ad yili d amεiwen-is deg icaliyen-is, imi akken i ten-sεan yemnayen iqburen, yerna winna ɣef uɣyul i yeṭṭafar deffir.

Yuɣ lḥal imnayen iqburen i yettḥaka, yal wa tettili tin i iḥemmel, iɣef yettxemmim m’ara yili deg imennuɣen d unadi n lexlawi ; ihi ula d Don Kicuṭ yextar yiwet kan akka n tfellaḥt tameɣbunt din deg taddart, yerra-tt d tin d « tarfiqt ixemmimen-is », isem-is Dulsinya (Duclinea s tspenyult). Syin ata yebda ihi acali deg lexla, yettnadi w’ara d-isellek ; netta s nneyya-s yetthummu kan, ur yeẓri ma s tidet i yeḍra kra, ma ilaq ad d-iger iman-is neɣ ala, maca itemmeɣ ; dɣa yal tikelt yettaf yeɣleḍ deg leḥsab-is, yeggar iman-is deg wayen ur t-nerzi armi yeṛwa tiytiwin. Di tilawt, kra din yettenbeddal gar wallen-is seg wakken yuḍen, am tikelt mi yekcem deg yiwen usensu n wedrar, yufa din timesdurar yenwa-tent d yessi-s n sslaṭen ukud i ilaq ad yissin amek ara yelḥu, ihi ula d din ixelleṣ-itt. Daymi taqsiṭ-is tessaḍsay nezzeh, tugart imi aɣanib n Cervantes yebna ɣef usaran[6], ahat ulac lemtel-is deg tira. Γas in’as d ayen i t-yeǧǧan mucaε, maca yeččur daɣen d tamusni lqayen n wawal, inzan d tengalin i d-yettuɣalen daxel n wullis agejdan, ladɣa deg idewenniyen n Don Kicuṭ d Sancu Panza i yettekttiren deg wawal, acku ula d netta yettekka deg tedyanin akk i d-mmugren.

 Azal-is

Annect-a yakk yerra ungal-a  yeṭṭef amkan meqqren deg tgemmi taseklant tamḍlant, imi ula d kra n yismawen izeddiɣen kecmen deg tutlayin tuṛufiyin uɣalen d awalen n menwala, amedya deg tefransist : dulcinée (taḥbibt, taxḍibt), rocinante (aεudiw). Llant daɣ tenfaliyin i d-yekkan syin qqiment d lemtul, am m’ara s-tiniḍ yettnaɣ ḥedd d tessirin n waḍu, meḥsub yekkat deg wulac, acku teḍra-yas i Don Kicuṭ asmi d-yemmuger tissirin n waḍu s yiɣallen-nsent meqqren, iɣil d ḥedd igehguhen[7], ihi iεedda ad yennaɣ yid-sen. Syin i d-tekka tenfalin mucaεen : anuɣ d tessirin (se battre avec des moulin).

Yerna ahat izen amezwar n wungal d wa ; imi ulamma imeɣriyen n lqern wis 17 ḥesben-t tagnit kan i taḍsa d tukksa n lxiq, wid i d-iḍefren, tugart deg tallit-nni n tegrawla tafransist ; walan-t d amedya i umdan izemren ad yesεu lḥeqq weḥd-s mgal timetti  s lekmal-is. Lḥasun, ayen i d-yewwi d ayen icerken talsa merra ; ahat ad yili ḥedd ssya d asawen ara t-id-yerren ɣer teqbaylit am akken yella deg tuget n tutlayin umaḍal, maca aya d asenfaṛ meqqren, ma yefka-yas ḥedd akud yessefk ad ad ilin imeɣriyen ara t-id-yafen.

……………………………………………………………………………….

Facebook/Timuɣliwin


[1] Manca neɣ la Mancha, d tamennaṭ i d-yezgan deg tlemmast n Spanya.
[2] Asaḍ, isaṭṭen : héros.
[3] Aɣer : bouclier
[4] Si tlaṭinit koraza :  taqemǧet taqurant i ttlusun yemnayen i wanuɣ lawan-nni (cuirasse).
[5] Amgara, imgariyen : guerrier
[6] Asaran : humour
[7] Agehguh, igehguhen : deg tama n usammar n Bgayet d ayen akk meqqren yessexlaεen (aqjun, aɣzen, atg), akka i nsemma da i iεefriten igeεmiren iss i ttamnen imir deg Tuṛuft (les géants).

WebPage Visits

http://www.hitwebcounter.com/htmltutorial.php

5 août, 2017 à 2 h 03 min | Commentaires (0) | Permalien


Γef ungal Aɣyul n wureɣ n Ufulay (Apuleius)

Sɣur Samir Tighzert

…………………………

« Aɣyul n wureɣ » d adlis i yura umyaru amaziɣ Afulay (Apuleus) di lqern wis sin seld Talalit. Yettuneḥsab d ungal amezwaru maḍi deg umezruy n talsa. Yura-t s tlaṭinit.

Agezzul n wungal :
aɣyul nwureɣ - Asuneɣ n tallit tabiẓantit

Ullis i d-yeddan deg-s iḥekku-d ɣef yiwen ilemẓi iwumi qqaren Lusyus (d isem umaru s yiman-is) i yunagen ɣer tmurt Igrigiyen ɣef kra n ccɣel ; yuɣ lḥal Lusyus-a d awnaf aṭas, iḥemmel ad yefhem u ad imeḥḥeṣ di kra yellaun, akken i iteddu yettnadi armi yeεreḍ ad yekcem deg lumuṛ n ssḥur d wid i ten-ixeddmen, dɣa yessen-d yiwet n tmeṭṭut, d taqeddact n umdakel-is Milu uɣur yerza, tezdi-ten tayri kra n wussan deg uxxam-nni, akken armi d yiwwas teεreḍ ad t-tεiwen s ukerrer akken ad yuɣal d igider ; maca i ẓẓher amcum, yuɣal d aɣyul, ihi din i d-bdant lmertat-is d icaliyen-is n leεtab akked wid i d-yemlal gar imakaren, iqettalen, imeksawen, iεebbaden n yilluten, imeṛkantiyen d wiyaḍ ; ayen ur nfukk armi t-terra tillut Izis (d tillut tamaṣrit)  ɣer ṣṣifa-s tanaṣlit n wemdan. Deg teqsiṭ, m’akken yella deg tfekka n uɣersiw bu-rebεa iḍarren, allaɣ n Lusyus yeqqim d win n wemdan kan, daymi yessaweḍ ad d-yedlu ɣef ayen yeffren deg tmetti, cceṛ akk yettmaggan ideg ilaq ad yettekki tikwal netta s yiman-is,  yerna acḥal d abrid i yewweḍ ɣer yimi n lmut, s ẓẓher kan i imenneε. Ihi d tilufa iwumi yeḥḍer i d-yewwi deg wullis-is anda i d-yessexlaḍ tiqsiḍin d tmucuha iwumi isell daɣen ɣer wiyaḍ ssya ɣer da. Dɣa taxatart gar-asent d tin n Psici (Psyché) d Cupidu i d-iḍehren i tekelt tamezwarut deg udlis-a syin tuɣal terna ɣer tmitulugit taqburt. Aɣanib n umeskar yeččur d asaran[1] ; s kra la d-yettales, yettarra kulci ɣer yir ẓẓher i t-yeṭṭafaren anda yekka uqbel ad kfunt fell-as. Dɣa ɣer tagara yuɣal d axewni ameqqran ibedden i tillut i t-id-isellken si yir tumelt[2] i yesbur acḥal d ayyuren.

Azal-is :

Ungal-a yewwi-d ad t-issinen akk Imaziɣen imi d win i d-yesbeyyinen amur iss i ttekkan lejdud-nsen deg lebni n yidles amaḍlan s lekaml-is, ulamma s tutlayt-iḍen. Ugar n ccbaḥa n tira-s i yettaǧǧan yal amdan ad inadi ɣef laṣel-is, Afulay yella wayen i d-yessedda seg wayla-nneɣ, am ubrid i ss i d-yewwi kra n tmucuha, imi llan tura imnuda i tent-yessaẓayen ɣer tgemmi tamaziɣt n lawan-nni.


 Timuɣliwin di Facebook


[1] Humour



http://www.hitwebcounter.com/

21 juillet, 2017 à 16 h 21 min | Commentaires (0) | Permalien


Awal n mass Md Akli Salḥi ɣef wungal « Tiyita n tmeddit » (s tefransist)

Lecture du Dr Mohand Akli Salhi – enseignant-chercheur au département de langue et culture amazighes de l’université  de Tizi-Ouzou

(Publié sur son compte Facebook).

Tiyita n tmeddit est le premier roman de Samir Tighzert. Dans la quatrième de la couverture, on informe le lecteur qu’est également auteur d’une traduction en kabyle d’une nouvelle de Gogol.tamuɣli
Le roman en question ici est un récit de 136 pages dont les six dernières sont consacrées à la présentation bilingue du lexique néologique utilisé dans le texte. Organisé en 10 chapitres, ce roman est traversé par un malentendu entre les deux personnages principaux, Ḥmed Ubandu et Mḥend Umaryus. Ce malentendu, qui remonte à leur jeune âge où moment ils allaient s’engager dans la guerre de libération, se transforme en un véritable secret. Ce dernier se tisse comme une toile de fond laissant les incompréhensions de Ḥmed Ubandu s’exprimer et les rumeurs colportées par les gens, à propos du passé de Mḥend Umaryus, prendre pour longtemps la place de la vérité. Ces rumeurs donnent Mḥend Umeryus comme un traitre durant la révolution de 54-62. Ḥmed Ubandu n’a pas compris pourquoi Mḥend Umeryus n’a pas pris les armes, comme lui, pendant cette guerre. Ce dernier s’est désengagé à la dernière minute. Le secret de cette raison est gardé jusqu’aux derniers moments de la vie de Ḥmed Ubandu. La divulgation de ce secret, est différée à plusieurs reprises dans le roman ; Mḥend Umeryus a accompli cet acte, comme une confession intime et une libération de conscience, au moment où son ami allait rendre son dernier souffle suite à sa blessure par balle.
En narration alternée, les épisodes de ce récit oscillent entre le présent et le passé. Les chapitres se suivent en alternant les affaires quotidiennes du présent et les souvenirs des deux protagonistes principaux. Dans ce mouvement, de va-et-vient entre les dépits et les tracasseries de leur vieillesse et la mémoire de leur enfance et de leur jeunesse, se glissent les commentaires du narrateur et des personnages. Les thèmes des commentaires ou des digressions sont variés : problèmes de langues et d’identité, la trahison, la misère, l’enfance, etc. C’est assez attrayant dans plusieurs endroits.
Le narrateur change de posture suivant les moments à raconter. Il est omniscient quand il raconte le présent. Il devient personnage racontant les souvenirs de l’enfance ou de la jeunesse. Par moments, la narration est simultanée au déroulement des événements, ce qui donne au propos du narrateur une proximité très rapprochée avec notamment les deux personnages principaux.
Ce mouvement d’alternance du passée et du présent donne au texte une valeur certaine. C’est dans ce dialogue entre les questionnements et les déceptions de la vieillesse et la mémoire revisitée à volonté de l’enfance et de la jeunesse que se joue la beauté de ce texte. C’est un pari gagné de ce côté-là.
Le lecteur peut toutefois regretter l’expression un peu forcée dans certains passages, laissant apparaître les conditions de quasi-traduction due à la pression des langues en présence dans l’acte créatif. L’usage de « coordonnant » « dakken », qui vient perturber la spontanéité de l’expression, en est une trace tangible.
Comme première expérience romanesque, elle mérite vraiment les encouragements des lecteurs ; l’auteur doit en faire un point de départ, assez prometteur, pour de nouveaux projets d’écriture romanesque.

Mohand Akli SALHI  

Page Facebook de ce roman

 

Hitwebcounter.com Free

………


Awal n mass Md Akli Salḥi ɣef wungal

22 mai, 2017 à 1 h 50 min | Commentaires (0) | Permalien


Awal n mass Naser Ayt Weεli ɣef wungal « Tiyita n tmeddit » (s tefransist)

Lecture du Dr Nacerddine Aït Ouali – Chercheur, docteur en littérature française

(Publié sur son compte Facebook)

« Tiyita n tmeddit » (Littéralement, « Le Coup de l’après-midi ») est le premier roman en kabyle de Samir Tighzert. Amis depuis leur adolescence, Dda Ḥmed Ubandu et Dda Mḥend Umaryus se perdent de vue au début de la guerre d’indépendance. Ils se retrouvent longtemps après. C’est l’occasion pour eux de replonger dans le souvenir de leurtamuɣli passé par le rappel de souvenir et la visite de lieux fréquentés pendant leur jeunesse. Cette visite sera fatale à Dda Ḥmed Ubandu qui sera atteint d’une balle mortelle destinée à son ami. Ce dernier achèvera ses « confessions » devant les proches de son ami à l’hôpital en s’adressant à ce dernier qui vivait ses dernières heures.
Les va-et-vient entre le présent et le passé font vivre au lecteur une histoire présente qui prend ses « racines » durant la période coloniale et la guerre de libération. Que l’écriture littéraire en kabyle s’intéresse à ce moment de l’histoire (qui a vu la Kabylie payer un lourd tribut pour l’indépendance de l’Algérie) est une façon de rendre justice à cette région et à ses combattants.
Les liens dans le texte avec la revendication identitaire berbère sont aussi intéressants : les causes justes méritent d’être défendues.
Le dispositif d’écriture adopté, notamment au niveau narratif, a permis de produire un récit qui se lit (même si c’est de façon inégale) avec un certain plaisir. L’usage d’unité lexicales et de tours linguistique (qui paraissent au lecteur que je suis) particuliers à la région native de l’auteur apportent un plus à la langue.
Le potentiel littéraire de l’auteur gagnerait en puissance avec plus de travail sur le plan linguistique (syntaxe et lexique), ainsi qu’un plus grand soin dans le passage de l’oral à l’écrit. En résumé les exigences qui peuvent permettre de produire de grands romans si on ne veut pas se contenter de faire de bons romans.

- Necer Ait Ouali-

…………

Page Facebook de ce roman


Hitwebcounter.com Free

Awal n mass Naser Ayt Weεli ɣef wungal

22 mai, 2017 à 1 h 43 min | Commentaires (0) | Permalien


D taqbaylit neɣ d tamaziɣt ?

 Sɣur Samir Tighzert

Aṭas n medden i ireffun, d Imaziɣen s umata neɣ d Iqbayliyen, am akken yettɣiḍ-iten lḥal yal m’ara d-nini tutalyt taqbaylit ur d-nenna ara  tamaziɣt, dɣa wa yettarra-tt ɣer tsertit, wa ɣer wayen nniḍen. Llan wid yettwalin belli nebɣa ad d-nennser seg umezruy amaziɣ akken ad d-nesnulfu wayeḍ ɣef lqaε, imi nutni ḍemεen ad qqimen deg tallit-nni n Tmazɣa taqburt  i ssaramen ad d-tuɣal, tin akken yesdukklen imdanen si Maṣer armi d Aṭlantik, seg Wagrakal alma d timura n Mali d Nnijer. A w’i yufan, lukan yella wakken, neɣ lukan xersum yezmer ad yili ! Acku ula deg leqrun-nni tantaliwin llant yakan mgaradent, yenna-t-id Stéphane Gsell[1] i t-yufan ɣer yemura igrigiyen d Iṛumaniyen i ixulḍen lejdud-nneɣ si zzman-nni uqbel Talalit. Imir imezdaɣ n Tefriqt Ugafa merra llan d imaziɣen, err-itt-id ihi tura imi nennebḍa yakk annect-a.The_Berber_language_as_spoken_in_North_Africa

Ihi ayen yessaram yiwen iban, ma d tilawt d ayen nniḍen yerna rẓaget. Akal-aεzizen fell-aɣ mačči yiwet kan i iεeddan fell-as. D leqrun mi ttemseḍfarent temhersiwin[2] ɣur-neɣ, tettbeddil tmetti, ttemxalafent leεwayed d tmusniwin rennunt ula d timeslayin. Ladɣa segmi d-tekcem taεrabt  talemmast di tmura yakk n Tmazɣa, teṭṭef  lakulat d imidyaten armi yuɣal yessagad yimal n tsutiwin i d-iteddun deg ubrid ara aɣent.

D acu ma nuɣal-d ɣer umeslay ɣef tmaziɣt, ilaq ad neqbel belli awal n “tmaziɣt” mačči d yiwet n tutlayt kan i yessegraw, d aṭas n tutlayin i d-yeqqersen seg-s. Akken yebɣu yiwen yessarem, yettaf dima ayen ara d-ibeyynen aya. Deg tneqqiṭ-a, ad d-nebdu s umedya n ccna d uẓawan. Ma neqqim deg Lezzayer kan, anwa Aqbayli bu-tidet, ara d-yenin ifehhem taɣect tacawit akken yebɣa, neɣ Acawi ara yegzun taɣect n teqbaylit s ttfaṣil ? Akka yerna, snat-a tmeslayin mqaraben nezzeh deg tesnilest[3], acu ara d-nini ihi ɣef tmeslayin n Itergiyen ? uma ma nuɣal nesserwes taqbaylit d tcelḥit( di Lmerruk), ad naf aɣbel d wayeḍ. Imi s tjerrumt-nsent, s tseftit tikwal, ttemgaradent. Γas in’as i necrek yid-sen ala tamawalt taqburt, yerna ula d tin nettmagar deg-s uguren meqqren, ladɣa imi tikwal d ayen irezzun awalen n yal ass am m’ara d-nini Tamɣart, tamṭṭut meqqren deg leεmer s teqbylit, ɣur Icelḥiyen d tameṭṭut kan, m’ara timɣur deg leεmer qqaren-as tawssart ; neɣ ma nmuqel amyag Γli, s teqbaylit d ɣelluy i nessen, s tcelḥit ɣas in’as d anemgal-is : ali, qqaren tɣwli tafukt (icreq-d yiṭij), ɣwliɣ ɣ isefkal (uliɣ deg tedrujin).

Hatan ihi amek tezmer ad temgirred tmaziɣt si tmennaṭ ɣer tayeḍ, yerna annect-a ur nehdir ara εad  ɣef tɣara n tmeslayt i yesseεraqen ugar taywalt gar Imaziɣen.

Si tami-iḍen, yessefk fell-aɣ ad d-nemmekti belli awal-a n tutlayt tamaziɣt i t-id-yewwin d taḍullit[4] umennuɣ asmi ttruẓen medden asalu ; ma d tura mi d-ldint zzat-neɣ waṭas n tewwura i d-ḥellan ineɣmasen s wayen ɣlayen deg tudert-nsen, yewwi-d ɣef yal win d tin iḥemmlen tutlayt-is ad meyyzen tura s wumdem-iḍen, atrar, ussnan, uɣẓin. Imir ilaq ad neḥsu d acu yebnan yal tutlayt ibedden assa deg umaḍal : agmay, tajerrumt, d tmawalt. Yuɣ lḥal d aya i yebḍan tutlayin timaziɣin, akken yebɣu yiwen yargu. Ihi ayen ilaqen d leqdic, d tira akked tuẓin ɣer zzat. Syin ma yal tamennaṭ tbedd i “tantala” i d-tewṛet, tesnefli-tt armi s-tefka yakk allalen iss ara telḥu, tezmer ad tecrek abrid-is d tiyaḍ, ama deg tmawalt taqburt i ilaq ad d-nessekfel di yal amkan, neɣ asnulfu d ureṣṣi n wawalen imaynuten i zemren daɣen Yimaziɣen ad cerken.

Assa di tilawt, iban d taqbaylit i d-yelḥan amecwar meqqren deg taɣult-a di Lezzayer, maca ula d tacelḥit di Lmeṛṛuk, tewweḍ iswiren yessefraḥen, imi aselmed-is simmal yettnerni (ulamma sεan ugur n tfinaɣ iɣef ur msefhamen), yerna aṭas n yedlisen i d-ssufɣen tagara-yi s tutlayt-a tamaziɣt. Ihi ma yeεreḍ yiwen deg snat-a n tmura, ad yeqqen timeslayin-a ɣer tiyaḍ, d aseεreq kan ara yesseεreq timsal, imi werǧin yesnulfa-d ugdud tutlayt ur yettmeslay deg tudert-is, d tantaliwin kan i yettimɣuren alamma qqlent s wazal-nsent ; dɣa ayen iɣef ara yesḥissef yiwen, d kra n imusnawen ikadimyen deg tesdawiyin, i d-mazal bɣan ad wellhen medden deg tnila-ya n usufeɣ n yiwet tmaziɣt ara tent-ijemlen merra, ɣas akken ẓran d awezɣi.

Taneggarut, tamslalt  mačči d ayen yerzan tasertit neɣ leḥsab-iḍen, akken yebɣu yili, d lfayda n tutlayt kan  i nebɣa ad nessezwir u ad neǧǧ  ɣer deffir tirga ur nebni ɣef kra n llsas. Imi yal mi tuẓa yiwet n tutlayt tamaziɣt, d arbaḥ kan ara d-rebḥent tid ukud tecrek laṣel-is deg teswiεt-a ideg ur ɣ-ilaq ad nesruḥ akud, nekni i yerja ubrid ɣezzifen i useǧhed d usekfel n tmagit-nneɣ s umata seld mi truḥ ad tɣib deg tatut.

S. Tighzert

………

 Facebook/Timuɣliwin

 


[1] Histoire ancienne de l’Afrique du nord, tome VI, langues et écritures.

[2] Colonilaismes.

[3] Linguisitique.

[4] Nécessité.

 




my widget for counting

MyVisits Counter

11 mai, 2017 à 0 h 05 min | Commentaires (2) | Permalien


Tukkist seg wungal  » Tiyita n tmeddit », n Samir Tighzert

(Isebtar 78,79) ……

     Atan tura ihi tewweḍ-as-d teswiεt i Mḥend anda ur yettsamaḥ ara i yiman-is ad yeqqel ɣer deffir. Ifat lḥal, d tidet, ahat ma iruḥ yiwen ur t-iεeqqel dinna, ad yekcem kan am uberrani. Maca tura mačči ala ɣer yemdanen, yettwalas ula ɣer tefrit-is netta. Aṭas n tlufa i s-yeqqimen d ireṭṭalen, s kra yedder akkin i lebḥer, inezgumen am wiyi zgan ẓẓaden deg wul-is am yiɣuraf. Yeẓra ulac w’ara t-ifehmen ma yemla tabaḍnit-is, ula d tarwa-s di Fransa i lulen, i d-kkren, ɣas ad asen-ihedder deg yiḍ deg waass ur ferrẓen ula d iqiḥ di teqsiṭ n baba-tsen d wayen i s d-yezzin d tiserraf. Tameṭṭut-is d Taṛumit, si tid i d-yelhan ala d yiman-nsent, ɣer ɣur-s nettat d cciεa maḍi imi argaz-is yelfa-d ziɣ seg wid inekren tamurt-nsen ddan d walya-s nettat ɣef akken i s-nnrabah 3an kra n medden, ɣas akken ula d nettat mačči d Tafransist taḥeqqanit yerna asmi i t-tuɣ teẓra d ayen ur nebni ɣef ṣṣeḥ imi iban mačči d ṣṣifa-s i s-iɛeǧben, d taḥanut-nni n baba-s kan i d-iger gar wallen-is. Lḥaṣun teɣleq-d ssya d ssya ɣef Mḥend Umaryus, tabaɣurt ur yelli i s-d-texdem,  akken yettaẓ di leεmer i yettḥulfu s tudert-is tettuɣal d ulac, yesserɣ-itt akka s ufus-is imi asmi yezmer ad iseggem kra seg-s yeqqen kan allen-is iεedda, ur iḥebber ara i tagara.

    Tagara ur tɛeṭṭel ara, attan tura d tayi. Arezqi meskin iruḥ. Seg yeḥbiben imenza yeqqim-as-d ala Ḥmed Ubandu. Γas in-as yessetḥa ciṭuḥ ad t-yini akka s wawal-a i yiman-is, maca d ayen yellan. Asmi t-id-yufa di lqahwa s usamma i rnan lumuṛ kaden-as-d s tifawt, aragaz-a mačči d win ara yettihin fell-as neɣ ara t-yeǧǧen deg uzgen n webrid, ɣas netta yeǧǧa-t zik. D win kan i d-mazal ukud yezmer ad yeddu neɣ ad iqeṣṣer ciṭuḥ. Daymi yesla kan s yir isalli, iṣadd-d s tkeṛṛust armi d nnig uxxam-is, iweṣṣa-yas agrud ara s-yinin.

…….

Awal n mass Muḥend Akli Salḥi ɣef wungal-a

Awal n mass Naser Ayt Weεli ɣef wungal-a

Ungal « Tiyita n tmeddit » deg Facebook (page facebook)

 

Live Stats For Website
Tukkist seg wungal

13 janvier, 2017 à 22 h 56 min | Commentaires (0) | Permalien


Llebsa umeḥbus – tullist

Tullist

Sɣur Naǧib Meḥfuḍ (1911-2006)

Tullist-a teffeɣ-d deg useggas 1938

……

Yerra-tt-id si taεrabt ɣer teqbaylit

Samir Tighzert

 train

 

 Bu-ṭṭabla n ddexxan iwumi qqaren Ǧeḥca, yella seg imezwura i d-iruḥen ɣer teɣsert[1] n Zzaqaziq m’akken tuɣ d lawan ad d-taweḍ tmacint. Acku taɣsert netta tuɣal-as d ssuq, dɣa ata yeṭṭef abrid deg ugnenna[2] la d-yettseyyiḍ imsaɣen s wallen-nni-ines timecṭaḥ yeccurfen. D acu, lemmer ad t-yesteqsi ḥedd ɣef lexdama-yi ixeddem ahat ad tt-id-yelεen d alεan, imi ula d netta am waṭas n medden yelfa-d yeεya deg iman-is d yir ẓẓher i yesεa.

Di tilawt ur yeksan ara kan, uma lemmer d lebɣi-s ad yili d anehhar n ḥedd imerkantiyen akken ad yels si llebsa-s, ad yečč seg wayen itett u ad iteddu dɣa yid-s s anda ma iruḥ d amḍiq ifazen, d ccetwa neɣ d anedbdu, acku imir di zzhu ara d-iḥelli aɣrum-is, mačči deg leεtab. Yerna ur yessarem axeddim am wa armi tella ssebba. Meḥsub seg wasmi yeẓra Lɣerr, anehhar n yiwen seg imeqqranen n temdint, yeddawar-as i Bedweyya Xadem-Lmamur, yiwet n teqcict akken iwumi yeggar awal s nnefxa ; yessaweḍ armi s-yenna yiwet n tikelt : « Aql-iyi ur ttεeṭṭileɣ ara ad d-saɣ s txatemt »,  akken la yekkat deg ifassen-is s lecraha. Ǧeḥca iwala dɣa taqcict-nni mi tezmummeg s ineḥwan, teεreḍ zeεma ad tseggem timeḥremt-is, netta iban iwakken kan ad d-tessken acekkuḥ-nni-ines berriken idehnen s zzit… ma d Ǧeḥca imiren i teceεel tmes deg wul-is, bdant tismin la qqazent deg-s din din, acku rḥant-tt wallen-nni berriken daɣ i d-yeǧǧan deg-s yir aṭṭan.

Yuɣal seg wass-en yeṭṭafar deffir-s, anda terra ad t-tafeḍ din, armi d yiwwas mi tt-id-yufa weḥd-s deg yiwen n wezniq yenṭeq ula d netta ɣur-s iεawed-as ayen akken i s-yenna Lɣerr : « Aql-iyi ur ttεeṭṭileɣ ara ad d-aseɣ s txatemt ». Maca tezzi s umgerḍ-is akkin, teqqen aεenbur-is terra-yas-d s ustehzi, tenna-yas : « Xaṭi, glu-d s uqabqab axir ! » Dɣa Ǧeḥca mi d-yuɣal s iman-is imuqel deg iḍarren-nni-ines imeqqranen i yemmugen ad s-tiniḍ d leḥwafer-nni n welɣem, ajellab-is yerkan, d tcacit-is i tuli tɣebbart… yenna deg wul-is : « Iban, d annect-a kan i d ssebba n lhemm-iw d yetri-w iɣaben ! »  Ihi d aya i t-yeǧǧan yettmenni-d lḥirfa am tin n Lɣerr, ɣas akken asirem-a-ines ur t-yessefreɣ ara ɣef lxedma-s tamezwaurt, yezga yeddenfir kan ɣer zzat, imi s tirga-s i iεewwel ad yennaɣ d lejruḥ-is.

Ata ihal-d ihi tameddit-nni ɣer teɣsert n Zzaqaziq s tsenduqt-is, yettraju w’ara d-iruḥen. Mi yerfed asekkad-is ɣer lebεid iwala tejba-d tmacint i d-yettbinen am unzaḍ kan n tagut ; tkemmel dɣa la d-tettaẓ, syin bdan yeḥricen-is ttwaεqalen kra kra, d zzhir-is yettiεlay, armi tḥbes ɣer yiri n n ugnenna. Ihi Ǧeḥca yuzzel din din ɣer zzat ifuga yemrussan, maca yenneqmas m’akken i iwala iεessasen i ibedden s yemrigen[3] deg ifassen-nsen ɣef tewwura, akked kra n wudmawen akken ibeṛṛaniyen i d-yettmuqulen seg isfuyla s wallen-nsen yeεyan iɣef banent lewhayem. Mi steqsan medden nnan-asen-d wiyi d imeḥbas iṭalyanen i d-yeɣlin s tuget gar yifassen n yeεdawen-nsen, tura akka teddun ad ten-awin ɣer tkurmuyin[4] i ten-yettrajun.

Ǧeḥca ibedd imir yetḥeyyer, yettqeyyin kan deg wudmawen-nni yeččuren d takka ; taswiεt  ikad-d am akken iɣaḍ-it lḥal, acku yeḥṣa belli imdanen-a yeslawen akk, iwumi yezzi lhemm d lmeḥna, ur sεin swayes ara kksen ccihwan-nsen si ddexxan-is… iwala-ten dɣa ččan-d tasenduqt-nni-ines s wallen, ihi ixẓer-iten s wurrif, akken ara ten-yesseḥqer. Syin, akken kan iruḥ ad sen-yezzi s uεrur iwakken ad yuɣal s ansi d-yekka, ata yesla i yiwet n taɣect i s-d-yessawlen s taεrabt, maca iban d Aṛumi i yettmeslayen la s-d-yeqqar :

— Yella ddexxan ?…

Dɣa ur yumin ara, imuqel deg-s yerna iḥukk akka ddebbu-s ɣer ccahed-is amek ara s-yinin ilaq idrimen . Winna yefhem, ihuzz aqerru-s, ihi yuẓa acemma ɣer ɣur-s, s ukukru kan, armi d anda ur t-id-yettaweḍ ufus userdas[5]-nni. Syin aserdas-a yekkes-d abalṭu-s s leεqel, iwehha-yas-d yess, yenna-yas :

— D wa i sεiɣ d idrimen.

Dɣa Ǧeḥca yenεetbar, ibedd kan yettḥekkir deg ubalṭu-nni aqehwi yesεan tiseqfal d tizegzawin, acku si tama yewhem, si tama nniḍen iger-it ṭṭmeε. Taswiεt yefra-tt d yiman-is, d acu mačči d nneyya i yella, yugad ad s-tt-yezreg Uṭalyan-nni. Ihi ilεeb-itt zeεma yekkes-d yiwen upaki n ddexxan s ttawil maḍi, syin iger afus-is akken ad d-yeṭṭef abalṭu-nni, maca aserdas yeqqen aεenbur-is, yuẓẓaf-d fell-as :

— Abalṭu s yiwen upaki kan ? awi-d ɣer da εecra !

Ihi Ǧeḥca yexleε, yuɣal-d ɣer deffir. Yeẓra ur d-yewwi ara ṭṭmeε-is, daymi iεedda ad yeṭṭaxer syin, maca yuɣal-d userdas deg wawal yenna-yas :

— Awi-d ayen ilaqen… tesεa, tmenya…

Imir ilemẓi s tɣennant i ihuzz aqerru-s akken ad yeggami, dɣa yenna-yas userdas :

— Sebεa, ihi.

Maca Ǧeḥca ihuzz daɣen aqerru-s am yizgelli-nni, yerna tikelt-a yerra iman-is iteddu ad iruḥ s tidet, ihi aserdas yesteqneε s setta, syin iṣubb-d ɣer xemsa ; yerna ɣas akken, iwehha-yas-d Ǧeḥca s ufus-is am win i s-yennan belli dayen kan, ur yeksan ara ad yeqbel, syin yuɣal s amkan-is yeqqim. Acemma kan ata isuɣ-d userdas iruḥen ad yemxell :

— Eyya !… qebleɣ s rebεa.

D acu, win nniḍen ur s-yerri ara yakk ddhen ; yerna iwakken ad s-d-ibeyyen belli ur yecliε ara deg-s, yecεel agaṛṛu yeqqim yettkeyyif, yestbennay-it s leεqel-is maḍi. Dɣa aserdas ulint-as, armi win ara t-yeẓren akken deg teswiεt-nni ad s-yini wayi iswi ur t-yesεi di ddunit ala iguṛṛa-nni i yebɣa ad yawi. Ihi iṣubb-d deg ccerṭ-is ɣer tlata, ikemmel ɣer sin. Ma d Ǧeḥca yeqqim kan yettnaɣ d tasa-s akked ṭṭmeε i t-yenɣan, dacu mi d-iṣubb akken winna armi yeqbel sin ipakiyen kan, iḥerrek akken acemma war ma ifaq-d dɣa iwala-t-id userdas yenna-yas-d :

— Awi-d.

Dayen, imir yegra-yas-d kan ad yekker. Ata ihi yuẓa ɣer tmacint yeṭṭef-d abalṭu sɣur userdas, yefka-yas sin ipakiyen n ddexxan. Mi imuqel deg ubalṭu iban belli iεǧeb-it lḥal, dɣa s lferḥ i yezmummeg. Taswiεt, isers tasenduqt-is ɣef tɣalaṭ iɣef yella yeqqim, yerra-tt ɣer tama, yebda la t-yettlus. Mi t-yesseqfel ikad-d hraw acemma fell-as, maca ur yecliε ara, imi yuɣal yewhem deg iman-is ; yeddem-d kan dduzan-is yeṭṭef taqibalt deg ugnenna iteddu yettzuxxu… acu ara d-teṭṭfeḍ seg-s si lferḥ imiren ! Acemma kan iruḥ-d lexyal n Bedweyya gar wallen-is am akken kan i tt-iẓerr s uḥayek-is, ihi yetewtew d yiman-is, yenna : « A lemmer ad yi-d-twali akka ! Ih… ur tettuɣal ara ad terwel fell-i neɣ ad yi-tesseḥqer, ma d azewwax-nni n Lɣerr ur yesεi s wacu ar di-yagar tura. » Maca din din yemmekta-d belli Lɣerr netta yettlus akustim yekmel, mačči d abalṭu kan, ihi tura netta ixuṣṣ-it userwal.

Ata ihi Ǧeḥca ibedd yettxemmim, syin imuqel ɣer imeḥbas i d-yettbinen deg isfuyla n tmacint, ixẓer-iten s yiwet akken n tmuɣli yebɣan ad d-tini kra. Dɣa yuɣal yewwi-t ṭṭmeε ɣef lqaε rnan leǧwareḥ-is mbawlen seld mi ruḥen ad d-rsen ; ihi ur iεeṭṭel ara iderreḍ ɣer tmacint, iεeyyeḍ war ma ikukra :

— Eyya-w ddexxan… apaki s userwal, i wid ur nesεi ara idrimen… apaki s usrwal.

Iεawed i tiɣri-ya-ines acḥal, acku yugad ur fehhmen ara acu d-yeqsed, syin icewwer ɣer ubalṭu-nni yelsa yerna yessken-asen apaki n ddexxan, dɣa akka i iεedda yizen-is. Ihi yiwen userdas iεedda din din ad d-yekkes abalṭu-ines, maca yenna-yas ad yerju, yuɣal iwehha ɣer userwal-is, am win i s-yennan belli d win i yebɣa, mačči d abalṭu. Dɣa aserdas yefqeε acemma, maca yuɣal yekkes-d aserwal-is, ɣer tagara mbaddalen tiɣawsiwin.

Ihi Ǧeḥca ixuṣṣ kan ad yefferfer si lferḥ m’akken i d-yeṭṭef aserwal-nni i d-yehbej d ahbaj seg ufus n winna, yerna dqiqa kan yelsa-t, dɣa yuɣal d aserdas aṭalyan ikemlen… D acu, ahat yella kra i t-ixuṣṣen… ih, d asḥissef, imi imeḥbas-nni ur ttarran ara iṭerbac

[6] ɣef yiqerra-nsen. Maca ggaren iḍaren-nsen deg isebbaḍen, yerna ilaq-as kan yiwen ma yebɣa ad yeεdel d Lɣerr i s-yessreẓgen tudert-is. Daymi yeddem daɣen tasenduqt-is yuɣal yuzzel ɣer tmacint la yettεeyyiḍ, :

— Eyya-w ddexxan… apaki s usebbaḍ… apaki s usebaḍ.

Tikelt-a daɣen iεawen iman-is s ucewwer amek ara t-fehmen. Maca qbel ad d-yerbeḥ amsaɣ-iḍen, atta tṣeffart n tmacint tsuɣ ɣer tikli, ihi yuqeε-itt umhirweḍ gar yiεessasen merra yellan din. Iḍ tuɣ dayen idel-d taɣsert ; deg igenni yegra-d ala yiwen n wefrux i iteddun ad yens ; dɣa imir i yeḥbes Ǧeḥca ula d netta s yiwet akken n tirɣi deg wul-is, d wurrif, d lɣiḍ akked layas i ibanen ɣef allen-is.

Syin, mi temebawel tmacint tettuddu ad tṣidd, ziɣ ilemmeε-it-id yiwen uεessas i yellan deg ufagu n zzat, dɣa yefqeε, yuẓzaf-d fell-as s tneglizit yerna-d s tṭalyant, yenna-yas :

— Γiwel, ali-d ! ali-d ay ameḥbus…

Maca Ǧeḥca ur yefhim ara d acu s-d-yeqqar, ihi iwakken ad yekkes ɣef wul-is, yebda yettḥaka-t-id amek akken i yettḥerrik, yettaḍsa fell-as, am win iḍemnen iman-is mi s-d-yezga akken deg lebεid. Aεessas si tama-s yuɣal isuɣ-d, netta tamacint tuɣ tettibεid cwiṭ cwiṭ.

— Ali-d !.. ɣur-k, aql-i nniɣ-ak-d… uɣal-d !

Kiklif, Ǧeḥca izemm imi-s maḍi amek ara yestehzi ugar yess, yezzi-yas s uεrur, ikemmel abrid-is. Ihi aεessas iga-d tummeẓt s ufus-is azelmaḍ la d-yetteggez[7] ilemẓi yeṭṭeglellin… yuɣal yeqreṣ fell-as. Dɣa tufeg yiwet akken n teldunt tesεuẓẓug, ḍefrent-tt-id tɣiwsin n leqriḥ d jjiεran. Akka i yeqqur Ǧeḥca deg umkan, teɣli tbewwaṭ-nni seg ufus-is rnan nḍeqqaren ipakiyen n ddexxan d zzalamiḍ, syin yenneqlab ɣef wudem, tegra-d lǧetta-s di lqaεa.


[1] Gare, station

[2] Agnenna : quai

[3] Amrig : (sslaḥ) arme

[4] Takurmut : (lḥebs) prison

[5] Aserdas : (aεsekri) soldat

[6] Aṭerbuc : fez

……

© 2017 Samir Tighzert

…….




Counter for tumblr

Website Stats

2 janvier, 2017 à 19 h 21 min | Commentaires (0) | Permalien


Tadiwennit akked ucennay Hamid Aït Melloul

Yeffeɣ-d deg uɣmis Tiɣremt (la Cité) ass n 04/12/2016

Yesteqsa-t Maklidir Iɣil Wis

  …………………………………………………..

Ḥamid ayt Mellul d anaẓur i d-tefka taddart n Tgubba i d-yezgan deg tɣiwant n Ticci (Bgayet), d aselmad di tesdawit n Bgayet, damedyaz, yexdem ddeqs n telatin, i mazal ur d-ffiɣent, yesseẓreg-d yiwet n tesfift s wazal-is deg useggas n 2006, yefka azal i tezlit taqbayit, s lecraha i d-yerra tiririt i yesteqsiyen-nneɣ, ḍefret-d ihi tadiwennit-a.

Deg tazawara, anwa i d Lḥamid Ayt Mellul?15204254_1242297445833506_458761245_o

Ḥamid Ayt Mellul, isem-is aḥaqqani Ḥamid Tiɣzert, illul deg taddart n Tgubba, taɣiwant n Ticci. Tura atan d aselmad di Tsadwit n Bagyet, Tasdawit ideg yeɣra yakan netta s yiman-is.

D acu i k-d-yewwin ɣer ccna d tmedyazt?

Ad k-d-iniɣ sseḥ. Segmi lliɣ d aqcic d ameẓyan, ufiɣ-d  agiṭar deg uxxam, ufiɣ-d gma ameqran Akli icennu, ixeddem tizlatin d isefra (ar ass-a mazal-it yessefraw) ; am akken i d-ufiɣ daɣen ala iḍebsiyen n Ayt Mengellat, d Sliman Σazem d wiyaḍ i ten-yecban… d aya i yi-d-yewwin ɣer ubrid-a n ccna d tmedyazt.

Γef acu tesfraweḍ:

Tizilit tamezwarut i xedmeɣ, rriɣ-tt d tajmilt i Dda Lmulud  At Mεemmer. Lliɣ sεiɣ 14 iseggasen di lεemer-iw. Syin akin, xedmeɣ aṭas n tezlatin d isefra. Ahat ugar n meyya. Ttaruɣ ttarraɣ ɣer ṭṭerf. Cniɣ ɣef tayri, ɣef ddunit d temsirin-is, tikwal daɣen ɣef tsertit.

Tessiẓrgeḍ-d-d deg 2006 yiwet n tesfift, ssin akkin ulac amaynut, tḥebseḍ neɣ d allalen ay ulac ?

Ulamma ttawil ixuṣṣ ad d-iniɣ mačči d win i y-iεeṭṭlen. D abrid n ccna s umata i iweεren. Asiẓreg s webrid aqbuṛ ur yessufuɣ ara ass-ayi, acku tura ɣas in’as yuɣal d ttjaṛa kan. Ma ur tcennuḍ ara i tmeɣra, ur d-tettafeḍ w’ara d-yelhun yid-k ma tebɣiḍ ad txedmeḍ ayen zeddigen.Uɣaleɣ beddelɣ abrid, deg teswiεt ɣer tayeḍ srusuɣ kra n tezlatin deg Internet. Meεna ttxemmimeɣ ad uɣaleɣ  ɣer ustudyu akken ad sskelseɣ tisfifin-iḍen ssya d asawen imi tuɣac llant.

Efk-d tamuɣli-k ɣef liḥala n tezlit taqbaylit n wass-a ?

Zik qqaren anaẓur d lemri n tmetti. Ass-a ccukeɣ lḥala tenneqlab. Ittɣiḍ lḥal imi tikwal d icennayen imeqranen s yiman-nsen i d-yessaṭaren deg uswir-nsen iwakken ad εeǧben i madden. Ass-a di ccna n tqbaylit tella tesmekta (la quantité) meεna ulac ayen yelhan deg tɣara (qualité). Γas akken mazal llan wid icennun ayen zeddigen, ttaεraḍen ad xedmen ayen yelhan.  D acu cukkeɣ lḥal ahat ad ibeddel kra wass, imdanen ad εyun si ccna n tmeɣriwin u ad uɣalen ad nadin ɣef ayen nniḍen, imir ad s-yuɣal wazal i usferu deg tezlit am isegassen-nni n 70 d 80.

Anwi icennayen d yimedyazen iqbayliyen d yiberraniyen i tḥemmleḍ

Ḥemmleɣ s lketra icennayen iqdimen. Ait Menguellet, d Ferḥat Imula uɣur i d-nejreɣ ṣṣenf n tmedyazt i ttaruɣ. Dɣa yessewham lḥal m’ara nmuqel, yiwen am Ferḥat ssnen-t medden d argaz aserti kan, yerna ayen yexdem deg uẓawan(musique) akked isefra d ayen lqayen ur ixeddem menwala. Gar wid i ḥemmelɣ, llan daɣen wiyaḍ si tsuta taneggarut, i umedya ad d-adrɣ Σebbas n At Rzin. Ma d iberraniyen, smeḥsiseɣ i icennayen iqdimen icennun s tefransist. Gar-sen s lketra Joe Dassin d Enrico Macias.

Ma nniɣ-ak Tagguba d acu ara y-id-tiniḍ ?

Tagguba d taddart-iw. Taddart deg i luleɣ. Anda ruḥeɣ ad d-uɣaleɣ ɣur-s.

Ahat yella wacu i tebɣiḍ ad theḍreḍ ur k-id-seqsaɣ ara fella-s ?

Ad cekreɣ s waṭas aɣmis La Cité i d-yefkan tagnit akken ad meslayeɣ ɣef tesfift “Aseggaḍ n lḥut”.

D acu ara sen-tiniḍ i yilemẓiyen d tlemẓiyin-nneɣ ?

Ad sen-iniɣ belli sεan ẓẓher imi d-lulen deg tallit-a n tiknulijit tatrart. Meεna annect-a yerra-ten ttεicen  s waṭas deg ddunit tasugnant kan (le virtuel) ma zemreɣ ad t-id-iniɣ akka. Ad sen-d-greɣ ihi tiɣri i wakken ad d-ffɣen ciṭuḥ si tuɣult tumḍint (numérique) u ad d-uɣalen ɣer tilawt ssya ɣer da, akken ad fken lweqt, amedya, i tɣuri n yedlisen d leqdic deg wayen akk izemren ad yesnerni idles-nneɣ.

 Facebook/Timuɣliwin

–*–*–*—

Kra n tuɣac n Hamid Aït Melloul deg Youtube :

1) I yitran d tziri :

Image de prévisualisation YouTube

2) Lxiq

Image de prévisualisation YouTube

 

4) Cciṭan

Image de prévisualisation YouTube

 

 

 

 

Website Stats


Counter for tumblr

7 décembre, 2016 à 19 h 06 min | Commentaires (0) | Permalien


« Ameslub », d adlis sɣur Xalil Ǧebran

Ameslub, isefra-s d tengalin-is ;  d adlis umaru alubnani Xalil Ǧebran i d-yerra Samir Tighzert ɣer teqbaylit, taswiεt-a yettnuz deg lulu.com kan.

Tukkist si tezwert n umsuɣel :Ameslub

Win ara yeɣren Adlis-a taɣuri tafsisant kan, ad s-yini s tidet, yettmeslay-d ɣef yimi n ḥedd iselben, neɣ maḍi d amesllub i t-yuran ! Maca akken ara yeɣz yimeɣri s telqey deg imeslayen i d-yeddan deg-s, u ad imeḥḥeṣ deg yal awal di yal aḍris si 35-a yemgaraden, ad yaf belli yeɣleḍ deg usizref-is amezwaru, acku tamuɣli yellan deg-sen lqayet, iznen i d-ttceyyiɛen ččuren d inumak, akken yuɣ tannumi umeskar-nsen Xalil Ǧenran yettsisti-ten-id.

…..

Deg wayen yerzan Ameslub i yettwarun s tneglizit deg useggas 1918, am Nnbi, ur yeqqin ara ɣer yiwen n ṣṣenf aseklan ibanen ; yella win ara  d-yinin yesdukkel-iten akk am akken ara d-yini wayeḍ yeffeɣ-asen merra. Lḥasun tuget gar yeḍrisen-a malen ugar ɣer tmedyazt tatrart, ṭṭfen daɣ ɣer tmacahut ɣas akken tikwal ttaken lewhi ula ɣer tira tuɣrisin, imi am akken i d-yedda deg uzwel, amskar-nsen yerra kra seg-sen d tingalin, meḥsub d ayen icban tiqsiḍin timecṭaḥ i d-yettawi umdan akken ad yenhu ḥedd, ad d-yesmekti kra neɣ ad d-yawi tamsirt ɣef kra n temsalt.

Tukkisin seg udlis :

- Aqjun amusnaw

- Asmi d-tlul Lmeḥna-w

Anwa i d Xalil Ǧebran ?

Ǧebran Xalil Ǧebran d amyaru alubnani, d amedyaz, d ameklaw ; ilul ass n 06 deg yennayer 1883 di Bacari (Lubnan), yemmut ass n 10 deg yebrir 1931 di New York ; yella yettaru s taɛrabt d tneglizit maca yettwassen ugar s udlis-is Nnbi i yura  s tneglizit, ma s taɛrabt yeǧǧa-d ungalen yecban Afriwen yerrẓen ; tullisin am tid i d-yeddan deg wammud Tanekra n terwiḥin, d waṭas n tmedyazt. Ameslub i yura s tneglizit deg useggas 1918, d tallunt i yekfa i kra si tikta-s i d-yewwi s tengalin, tineqqisin neɣ s isefra.

Ameslub deg lulu.com (ttekki da)

  Facebook/Timuɣliwin

20161112_162340

 



web page hit counters codes Free

Measure Website Visitors

13 novembre, 2016 à 15 h 11 min | Commentaires (0) | Permalien


12